谷川岳(百名山)

谷川岳@天神峠

距離10月頭去完飛驒高山行出唔夠一個月, 10月底又去日本東京, 同上年一樣, 今次又係盡用JR東京廣域pass坐新幹線去鄉下地方行山

晨早由上野出發坐新幹線到新潟縣嘅温泉滑雪渡假小鎮越後湯沢, 亦即係JR東京廣域pass上越新幹線最盡可到嘅車站, 先搵locker放好背囊, 再坐在來線南下返回群馬縣嘅土合駅, 南行係途經地面嘅鐵道, 北行先會係地底月台出站, 再沿著公路行20分鐘左右就可到達谷川岳纜車站

土合駅

多得90年代泡沬經濟, 日本鄉下山區唔少嘅名山都會有登山纜車, 而家呢D纜車除咗畀一般觀光客長途跋涉自駕又或跟團坐旅遊巴嚟登高避暑睇紅葉外, 仲有不少行山友會坐纜車到山頂站登山, 以省卻在低海拔樹林間慢慢爬山的沉悶路程, 節省時間同腳骨力, 加上近年建成了不少高速公路同新幹線支線, 使得日帰登山+日帰温泉變得更方便

谷川岳纜車, 正好是紅葉季節

天神平纜車站旁有個安全登山鐘

再坐滑雪吊車上去天神峠觀景台

天神峠山嶺觀景台遠眺関東地區的群山

 一同坐纜車嘅都是前來登山嘅日本年長夫婦, 想來是退休人仕才有這個財力同閒情周五來谷川岳秋季登山兼賞紅葉, 好避開之後周未+文化日3連休嘅人潮, 來到頂上(1319M)嘅天神平駅後, 還可以坐滑雪登山吊車到天神峠觀景台, 大部份日本行山友都只坐纜車到天神平後開始行山, 我就畀多500円上到天神峠觀景台(1502M)打吓卡先起行, 到年未落雪後, 天神平便會變身成高原滑雪場來, 現時谷川岳纜車是由日本著名的星野渡假酒店經營, 我估營運難以賺錢的登山纜車只是配菜, 冬季滑雪生意才是主角吧?

天神峠的登山道入口, 也有安全登山鐘

登山道不難行, 也有鐵梯和縄索,小朋友也可以應付

話咁快就過咗林木線

山徑左邊是平標山,可以由谷川岳經平標山, 萬太郎山縱走到苗場

回頭下望, 可以見到起點的天神平纜車站,和水上温泉

從觀景台登山口出發行了大半個鐘便來到熊穴沢的避難小屋, 之後便是一路上山的山道, 今天天陰密雲, 天氣預報明天會下一整天雨, 不過早上不算大風間中還有點陽光, 所以穿著短袖衫剛好不會太冷又不用怕晒傷, 再走了一會便離開了林木線來高原植被, 對比月初的西穂高, 谷川岳的登山徑不算難行, 雖然間中會有些少攀爬, 不過也是小朋友也可輕鬆應付的程度, 從天神峠出發不用1.5小時便來到谷川岳山上的肩之小屋.

肩之小屋外望住平標山食lunch

食完lunch就出發上山頂, 中途見到方向地標牌,睇過"向山出發"嘅都會認得

回望肩之小屋, 雖然明天先係三連休假期, 但今日成山頂都係日本行山友

谷川岳 - 熊耳 1963M

 在肩之小屋外邊的長櫈望著平標山吃午餐咖喱包+士力架, 再在小屋買了限定山屋紀念章, 就跟著登山的人潮往谷川岳雙峰熊耳出發, 只是在山屋小休了一會便被隨後登山的人潮追上, 果然滿山都是行山友, 排隊登頂輪流和抱著標柱打卡都是慣例, 唔少行山友選擇上到山頂才休息午餐, 果然又見到有大叔在煲水煮咖喱杯麵, 這已是日本行山友的登頂儀式指定動作了吧?

向谷川岳最高峰出發, 下面的山崖就是一ノ倉沢, 日本三大岩場

 

谷川岳最高點 1977M

山頂周圍都係行山友, 要搵地方可以坐定定都難, 仲要煲水煮杯麵

谷川岳熊耳, 咁遠都望到富士山

谷川岳 熊耳

 在谷川岳雙峰打卡玩了一會就下山直接走到天神平駅, 這時還未到下午2點但已天陰密雲刮起風來, 天寒地凍下天神平的草地上只有小貓三四隻的普通遊客在遊玩, 用纜車站外的水喉清洗過行山鞋和登山扙的泥巴後就走到車站旁邊的餐廳食返個名物招牌芝士焗麵包打卡

落山途中, 肩之小屋及平標山嶺

行山友在肩之小屋外小休, 個個都full gear上陣, 阿叔我相形見絀

食返個名物招牌芝士焗包打埋卡先坐纜車落山

 3點半左右坐纜車回到山腳JR土合駅, 中途經過遊客中心見還有時間就入去看看, 當值的職員大叔見難得有客人光臨便過來導賞, 點知我不是日本人不會日語, 他的英文又麻麻地, 過了一會有些自駕來的日本遊客過來停車場攞車順便參觀吓, 咁大叔就順理成章咁過去招呼客人. 之後本想去土合駅旁一間民宿的浸吓日帰温泉, 再等到差不多6點就去土谷駅地底月台打吓卡坐火車回越後湯沢, 點知走到民宿入口只見招牌寫著今天日帰温泉休日, 可能今天沒有甚麽外來客就索性不開門, 鄉下地方真是得隨意.

於是意外平白多了兩個鐘頭的空檔, 要知道鄉下地方的火車/巴士一天只有幾班車, 又沒有巴士北上越後湯沢, 就只能等6點的火車了, 而土合駅對面唯一一家咖啡店又準時4點打烊, 總不可能在土合駅呆坐兩個鐘吧? 如果剛才早10分鐘下山就可以趕上3點半南行的火車去水上温泉小鎮hea吓, 到土合駅外的巴士站牌看看, 見到再過一會有一班巴士由纜車駅開往上毛高原, 就當機立斷坐半小時巴士到水上温泉, 去鎮上的温泉交流館小澡堂浸温泉

浸完温泉出來經已天黑, 還要下起雨來, 走路15分鐘左右趕去水上駅坐火車回越後湯沢, 過了河差不多去到火車站時經過一間日式温泉旅館, 門口竟然掛著日帰温泉的招牌, 早知就直接在水上駅落車過來浸温泉, 不用專程坐多兩個站巴士跑到鎮上交流館的小澡堂了.

坐上越線回到越後湯沢, 新幹線車站的遊客紀念品商場還未關門, 發現有500円可以試飲新潟縣不同酒造的清酒, 咁就當然是飲返幾杯越後地酒先去食晚飯, 當晚住的民宿養了幾隻唔怕人嘅貓貓, 房間門口仲有告示提醒住客出入一定要關門, 否則貓貓會爬到你的床上和行李放水宣示主權, 所以唔好見D貓貓好可愛就唔記得閂門, 一個不少心就搞到一身騷.

使費: 

JR東京廣域pass 15000円

谷川岳纜車3500円

谷川岳名物焗芝士1300円

水上温泉交流館600円

新潟清酒500円