立山 室堂(2400M) 別山南峰(2874M), 真砂岳 (2860M)
難度: 中上
時間: 5小時
這時第二次去立山黑部, 上次係春天去睇大雪谷, 今次秋天就去郊遊健行
同上次一樣, 又係住係高岡市, 昨日先坐叮噹路面電車去新湊睇祭典搞到好夜先瞓, 今天一早起來趕去坐電車到富出, 再轉乘富山電鐵到立山, 8:40AM來到富山駅, 仲要排隊買來回立山及室堂的套票, 雖然早上排隊的人龍不長, 但是每個買票的遊客都要問長問短搞一輪先買好車票, 想來是立山黑部穿越套票有多種組合, 售票窗的職員要問清楚乘客行程才出票, 所以先搞咁耐, 輪到我一下子就買好票, 這時距離一下班8:54AM出發的電車只餘下幾分鐘咁多.
富山電鐵開往立山的特急列車
室堂, 立山山脈, 右邊岩石山峰最高點就是雄山, 遙遠可以見到山頂上的雄山神社, 中間的富士丿折立, 大汝山, 左邊最高點白色的山頂就是真砂岳
轉吓眼早上11點左右就來到室堂, 先在室堂纜車站裡食了碗名物玉子蕎麥麵當作早來的午餐, 然後到登山資訊站搵行山的資料
資訊站當值的老伯問我想去邊, 我話想去睇劍岳, 老伯見我輕裝而來連行山扙都冇就想去劍岳, 一係就係超高手, 一係就係唔識死的低能仔, 就問我係咪要劍岳登頂, 我話只係想去山屋遠遠拜望吓劍岳就回來, 邊有咁勇冇裝冇經驗就去攻頂, 咁佢就叫我去劍御前小屋, 然後可以向南行經真砂岳下山, 咁玩只需約5小時, 又或再繼續縱走到雄山先下山, 咁樣行法起碼要行8小時, 仲要係高難度, 不過都可以一日內完成趕搭尾班巴士下山, 阿伯真係太睇得起我了.
我又問吓只去雄山又點玩, 佢話雄山來回可以在5-6小時左右完成, 不過都係高難度加超耗體力, 因為唔想咁辛苦, 就決定先去劍御小屋, 再決定之後點行法, 阿伯畀咗張影印的日文行山書地圖我, 謝過老伯後便出發
11:40AM 御庫裡池, 從左至右為劍御前, 別山/真砂岳, 富士丿折立
前往雷島莊途中
11:45AM 地獄谷一路走下坡的石級, 落山就好爽皮, 但一諗到之後回程就係不停爬石級就好負皮
12PM 雷島莊已經進入冬季歇業, 沿著石級一路走到山谷下邊便是雷島沢露營場
12:15PM 終於來到是日最低點的雷島沢露營場(2250M?), 之後要往上爬升600M到別山2874M
離開露營場, 過咗河就開始登山
1PM 登山中途回望山下的露營場, 及冒煙的地獄谷. 過了中午開始有雲, 咁就唔會咁曬
從雷島平登上立山山脈途中, 烈日當空, 又曬又熱, 不過就快到達山脊線了
1:15PM 終於來到第一目標, 劍御前小舎, 內有熱食供應, 旱廁所在外邊, 用鼻聞吓就好易搵到
1:30PM 在劍御前小屋外食了帶來的麵包當午餐就出發, 往左邊走就是劍山莊及劍岳
往東邊的山崚線進發, 途經山頂上的石堆, 前方是別山山峰
午後由天晴無雲, 變成風起雲湧, 山崚線上不時有雲霧飄至
1:45PM 沿路不時遇到些日本大叔行山, 他們應該是一早出上山, 從雄山縱走到別山後下山回雷島沢, 前方的山峰應是劍御前峰
別山南峰山頂上的石堆
1:50PM 從別山望向巍峨岩石山峰的劍岳, 左邊可以見到劍山莊, 及中間山谷中的沢小屋
別山>真砂岳縱走途中
2:05PM 別山>真砂岳縱走途中, 前方是真砂岳
2:20PM 別山>真砂岳縱走途中, 雲層開始遮蓋山山頂, 風勢也逐漸增強, 真砂岳頂峰已在雲中, 加上時間不夠, 於是我在繞道山峰下的小道沒有登頂, 到大走分岐下山
回望別山方向, 山峰已入雲中, 冇太陽加上刮風就感受到高山的寒冷, 要趕在陽光消失前下山
2:35PM 從大走分岐向東望向黑部峽谷
2:45PM 開始經大走谷下山, 可見山谷下的地獄谷, 雷鳥莊及室堂, 一路都細碎石, 十分容易滑倒, 這時體會到有行山扙的好處
下山途中
3PM, 下山中途山坡上的高原植坡
3:40PM 來到大走谷下邊的碎石河床
3:45PM 又過橋, 熊出沒注意, 再走一會先回到雷鳥沢露營場
4PM 不出所料, 行完別山及真砂岳後回程再經過地獄谷的石級, 十分累人, 本來想在室堂温泉泡過湯先回去, 不過温泉營業時間就快完結而作罷, 就在外邊的野餐枱坐低食條士力架小休一會
4:30PM返回室堂, 立山玉殿之湧水, 裝返兩支泉水返去飲先
資訊站個老伯冇講錯, 真係5個鐘就行完, 不過都要行得好快吓
從室堂坐巴士到立山駅, 等咗一個小時先有電車回富山, 回到富山先去富山駅某人氣迴轉寿司食晚餐, 再坐電車回高岡, 上次坐還是JR北陸本線, 今次坐已轉營為地方私鐵, 連名都改埋
回到高岡旅館, 洗澡過後又肚餓了, 就出街食宵夜, 因為夜了旅館附近只有一家中華料理有開, 天津飯, 以前睇龍珠聽過但從未食過, 一試難忘
是日開支
高岡<>富山 360 x 2 = 720円
富山電鐵 富山-立山-室堂 6920円
室堂 玉子簥麥麵 950円
富山 迴轉寿司 1100円
高岡 天津丼+餃子 1180円
注意事頂
防曬, 擋風風褸, 行山杖
多帶水及乾糧 e.g.士力架
預留充足時間行山及坐回程的巴士火車回富山
