日光白根山 2578M
上落約580M, 6KM, 全程4小時連休息
難度中等
 |
| 日光白根山 @纜車山頂站廣場打卡位 |
時隔一年, 今日終於再去日本行山
朝早係旅館食咗個兵衛鴨肉soba杯麵做早餐, 7點半稍後係旅館門口坐巴士去到湯元温泉, 再轉只有在夏季周未假日, 一日只有四班車去鎌田巴士嘅8點半頭班車前往日光白根山纜車站 搭這班晨早巴士嘅都係行山裝束嘅日本山友, 巴士中途穿過金精峠隧道, 途經深山裡群山之間秋色環伴嘅管沼湖同丸沼湖, 巴士仲走小路兜埋入丸沼温泉, 不過咁早想當然係冇客上落, 但已見晨早便有釣友到水平如鏡嘅湖中垂釣, 大約半個小時多點的車程便來到白根山滑雪場巴士站.
 |
| 丸沼高原滑雪場+白根山登山纜車 |
 |
| 日光白根山登山纜車 |
白根山登山纜車係滑雪場最入邊, 把握最後機會去埋廁所便坐纜車上山, 這時纜車站才剛開門, 就只有同巴士嘅幾個登山客上山, 未到10點來到山頂站, 只見已有幾丁昨晚在山下温泉旅館投宿的家庭遊客在山上觀景台打卡, 早上天陰, 山頂站廣場只見烏雲下暗沉的白根山, 天氣預報話今天早上會間中放睛, 希望中午到山頂時會出太陽吧!
 |
| 日光白根山登山入口, 二荒山神社鳥居 |
 |
| 白根山 Mt. Sirane 3.4KM |
剛開始先在高原森林步道走了大半小時平路過了七色平才開始爬山, 步出高原林木線後便要頂著大風爬坡, 大約一個鐘便來到白根山山頂, 登山過程意料比想像中容易得多.
 |
| 跨越高原林木線後的砂石山徑 |
 |
| 已追上晨早登山的大叔大媽 |
 |
| 話咁快差不多就到山頂, 回望下方剛才走過的山徑 |
 |
| 山頂的小神社 |
 |
| 日光白根山山頂 2578M |
在山頂打下卡, 找個背風的地方坐低休息食午餐(嘉頓瑞士卷+士力架+Mars朱古力), 一邊欣賞山下五色沼及遠方男体山+中襌寺湖的雲海風光, hea咗大半個鐘就往座襌山方向落山, 誰知上山容易落山難, 剛才上山還是可以一步一步慢慢行的砂石山徑, 這邊落山的路段則一段連續是垂直幾百米的亂石堆, 要大步一級一級咁跳住落去, 感覺有點像在玩馬里奧, 跳吓行吓咁大約半小時多點便來到禪山嘅路口, 如果是從座禪山這邊攀石上山就有夠受了, 跟著行多一小時經過七色平便回到山頂站.
 |
| 五色沼 |
 |
| 遠方是男休山+中禪寺湖的雲海 |
 |
| 歇了一會準備下山, 又見山頂招牌旁聚集了大班剛到山頂的行山友在打卡 |
 |
| 日光方向的雲海徐徐湧至, 還是趕快下山好了 |
 |
| 往座禪山方向下山, 可以看到山下的彌勒池, 還有剛才巴士途經嘅管沼和丸沼湖 |
 |
| 起初下坡的山徑還算正常 |
 |
| 跟著是連續幾百米垂直下降的亂石堆 |
 |
| 跳吓跳吓咁輕鬆落到山腳, 回望白根山山峰, 心諗點上 |
這時還未到下午2點, 來到山頂站觀景台只見下面已是一片雲海, 本來想著在山頂嘅露天cafe望住白根山嘆杯咖啡食個三文治當午餐, 但只見山下的雲霧來勢凶凶湧上山上來, 還是到山頂嘅室內餐廳食碟咖喱飯, 再在雲霧中坐纜車落山.
 |
| 本來諗住係露天茶座嘆返杯咖啡, 但見山下的雲霧湧至, 還是返回室內食飯好了 |
 |
| 是日靚午, 咖喱雞飯, 輕食份量咁就1500円 |
 |
| 雲霧中坐纜車下山, 甚有Twin Peaks電影感 |
落山後距離回程湯元温泉嘅尾班巴士不到一個鐘, 唔夠時間去試吓纜車站裡嘅日帰座禪温泉, 於是便在纜車站嘅商店買返個白根山登山章留念, 飲杯咖啡食件甜品hea吓, 就早十分鐘行去巴士站等車回湯元温泉, 巴士司機等上完排隊的乘客還未到點就開車, 這時我見有幾個行山友從停車場那邊施施然咁行過來, 不會是送車尾吧? 巴士全程在差不多伸手不見五指的濃霧中滑溜地順著九曲十三灣嘅山道飛馳, 甚有頭文字D深夜濃霧漂移的感覺, 來到湯元温泉再轉乘返日光的巴士返回中禪寺湖, 5點過後天已全黑還下著微雨, 中途經過湯滝等車站還有不少遊客上車, 想不到下午大霧落雨天也有不少遊客不怕淋雨去湯滝及戰場原遊玩, 來到男体山登山口嘅二荒山神社, 仲有一個披著雨衣背著登山露營行李嘅哥仔全身濕透咁上巴士, 睇嚟如果明早下雨就不要行男体山了
 |
| 超大份量炸豚肉定食, 好食勁飽肚, 只需1400円, 超抵食 |
5點過點便回到中禪寺湖的旅館, 放好包後先去旁邊一家晚上只開一小時嘅精肉店兼營嘅炸豚食堂食晚餐, 晚上在旅館浸吓温泉便早D瞓, 明天一早還要打大佬去爬男体山
是日使費
湯元温泉至日光白根山巴士來回3000円
日光白根山登山纜車來回2500円
