2023年1月18日星期三

返鄉下2 姬路城 again

咁耐冇返鄉下, 今晚就訂咗城崎温泉的一泊二食旅館豪返次

 不過睇天氣報告話城崎落雨, 咁就唔駛一早入去, 見天氣報告話瀨戶內海一帶都係天晴, 咁就坐新幹線去姬路城, 然後中午坐一日只有一班嘅浜風特急去城崎, 其實咁坐JR, 新大阪去姬路半個鐘新幹線, 再加姬路去城崎嘅特急2個鐘車程, 仲快過由新大阪直接坐特急去城崎.

 出咗JR姬路駅坐100円巴士就到可以姬路城, 唔駛行, 去到用KTP/Kansai One Pass入場費又可平200円, 因為是冬天淡季, 很少遊客, 可以慢慢行, 冇乜人阻你影相打卡, 在天守閣內爬樓梯唔駛人貼人, 行完天守閣落到前面廣場, 仲有靚位任坐畀你近距離欣賞姬路城天守閣

姬路城公園前, 藍天白雲, 啱晒打卡呃like

咁姬路城亦唔係第一次去, 只係上次去天陰陰咁, 今日天清氣朗藍天白雲, 睇風景同影相靚D咁啫

遊客打卡位之其一, 適合團體大合照
遊客打卡位之其二
正門的招牌, 國寶姬路城
打卡位之其三, 倒影
登城途中, 一路都冇乜遊客, 真爽
天守閣內
天守閣內, 望向JR姬路駅方向, 周邊市區風景一覽無遺
天守閣頂層, 其實要係又窄又斜的樓梯爬上爬落, 除咗天氣好時有靚景睇外, 一D都唔好住
天守閣內, 上落的樓梯是分開的
爬完天守閣, 終於嚟到天守閣前的廣場, 可以坐低休息吓
終極打卡位在此

離開前, 最後的post card/日曆打卡位, 好多遊客爬完天守閣就直接走人, 好易miss咗呢度
国宝 姬路城 特別史跡 姬路城跡

 玩到咁上下就行返去JR姬路駅, 係駅前地下街食埋lunch, 先去坐JR去城崎

下午3點去到城崎, 還在落雨, 又凍又濕, 行去旅館check in 後, 趕緊攞張温泉巡迴券出去浸温泉, 係旅館食完豪華和牛X松葉蟹晚餐後, 又再去出浸温泉, 結果最後都冇浸過旅館嘅温泉

今晚温泉旅館一泊二食嘅主角, 和牛 x 松葉蟹 combo, 超好食+好飽

城崎温泉雖然較遠, 但温泉,食物, 氣氛同風景都係一流, 絶不比有馬温泉遜色, 差不多每次去關西都會嚟城崎浸温泉食蟹, 不知已是第幾次嚟城崎温泉了, 期待下次再來