2017年5月28日 星期日

伊吹山 (日本百名山)

伊吹山

日本百名山
高1377M
滋賀縣米原市
上下落差約1200M+
來回約12KM, 需時5.5小時(連休息午餐)
難度: 低

之前一日住彦根一家古民家改造的旅舍, 今朝7點多坐巴士到彦根駅, 乘坐8點的JR到米原, 先在米原駅的coin locker寄存大背囊, 再在售買機買了兩支凍水, 就再入閘坐JR到近江長岡

出駅時剪票口大排長龍, 原來這車站沒有IC卡閘機, 數十名在此站下車的日本行山友只有在剪票口的補票窗口排隊畀車錢, 因為我用IC卡入閘所以也要排隊補票, 搞到差點趕不上在車站外専門接載行山友去伊吹山的巴士

巴士9點過點便來到伊吹山登山口外邊的三之宮, 除了坐巴士之外, 還有很多日本行山友是一家大細開車過來, 也有些是結伴騎電單車過來

不少行山友先到山下的三之宮神宮參拜才登山
登山前先要付過入山協力金, 承惠每人300円
9:15AM, 伊吹山登山口
剛開始是一段林間山徑, 在早上的林蔭下還是十分清涼
走了約20分鐘爬升了2百多米便來到1合目, 眾人都在這裡小体一會
之後是沿著草坪不斷的爬坡, 這裡在冬天應該是滑雪場
回望剛才小休的1合目及山下的田野, 草地上仲有直升機坪
10:15AM便來到3合目, 前面便是伊吹山, 今天陽光普照, 好曬, 好熱, 好在在米原買了兩支凍水
小朋友拉著媽咪的行山杖跟著上山
10:35AM 話咁快就嚟到5合目, 即係行咗一半路程
快步爬過一列長長的日本行山團, 登山道由剛才的平坦的草坪轉成山徑, 這時回望剛才小休的3合目草地, 還未開始營業的登山纜車站及輸電塔, 以及遠方的琵琶湖
10:50AM, 經過避難小屋
10:54AM, 6合目, 之後是一連串之字形的山徑直至山頂
11:50AM, 終於行完之字形的山徑來到山頂
登高望遠, 可以一覽整個滋賀縣同琵琶湖, 甚至可以遠望琵琶湖對岸前天才行過的比叡山
伊吹山的登山道, 對面有幾家小屋的山頭才是伊吹山頂
12:10PM, 來到伊吹山頂, 日本武尊像
伊吹山頂, 1377M
之後在山頂上走一圈, 隨便找個冇咁食風的地方食帶來的麵包及豆沙包當午餐, 下方是伊吹山停車場... 冇錯, 你係可以係山腳開車上到停車場, 然後走一小段路就可以登頂, 唔駛行得咁辛苦
這邊望過去是愛知縣大垣市方向
伊吹山, 一等三角點, 今日是星期日, 不少家長帶著小學生年紀的小朋友登出, 小朋友行咗3個鐘都仲係精力充沛, 係山頂上彈吓彈吓咁你追我趕
山頂上的大草坪, 聽聞到了夏季時會開滿花朵, 十分漂亮, 前面遠方的山脈可以見到白山及北阿爾卑斯山脈的乘鞍岳
一眾行山友在山頂上野餐, 大部份人都是有備而來, 除了自制便當外, 有些更會帶來野營灶具在山頂煮食, 尤其喜愛煮開水整合味道咖喱杯麵, 想來除了登山之外, 野餐美食也是十分重要的節目
山頂上的小神社, 後方仲有提供饍食休息及賣紀念品的山屋商店, 阿叔就買了個伊吹山登山紀念章回去
在山頂上呆了約一小時, 下午1PM開始下山
1:35PM, 下山途中, 中午過後睛空萬里, 曬到燶
2:20PM, 下山途中, 已過5合目
2:30PM, 好快就會落到1合目2:50PM, 回到登山口才3PM
因為太曬而盡快落山, 行得比預期快, 仲有成個鐘先有巴士回去, 就在三之宮旁邊的小公園坐低小休, 日本細路行完5-6個鐘頭仲未夠皮, 見有遊樂場又衝去玩過, 老媽就冇你咁好氣, 坐係旁邊樹蔭下玩手機, 等班細路玩夠就一家開車離去.
係登山口旁的小商店向阿婆買咗包伊吹牛乳, 因為太好飲又再買多包, 坐在小公園旁樹蔭下的長櫈下等4點的巴士

坐了一會見到越來越多人下山等巴士, 這時我才慌忙過去排隊, 過了不久巴士到來大家排好隊上車, 因為不少人背著大背囊行李, 巴士很快便擠滿了, 本以為上不了巴士, 那知前面一班後生仔女見到不能全部人都上車, 為了齊上齊落, 竟然已上車的都落返車, 寧願一齊行出火車站, 於是排後邊的阿叔先上到車
坐了兩三個站巴士來到伊吹藥草之里, 浸吓藥草温泉先回米原, 下車的就只有我同另外兩個大叔, 想都是來浸温泉的. 今天周日會館外邊的草地正好有賣物會嘉年華, 除了本地人外, 還有些行完山的家庭開車過來湊熱鬧, 又見到小朋友在草地上奔跑嬉戲, 也有些大人在草地上練習瑜珈, 阿叔就在攤位買了個包食支持吓.

今日浴場輪替剛好男湯換上細湯, 在温泉泡了一會, 不知不覺越來越多人進來, 把水池及洗身位都佔滿, 剛才温泉裡只有幾個大叔, 何以突然間咁多人? 再浸了一會見到洗身位有空位, 就嗱嗱淋去沖身走人, 換好衫一出更衣室, 見到門外沿著牆邊排排坐有二三十人在等候, 出一個先入一個, 原來是來了幾架旅遊巴的日本行山團, 一眾大叔阿姨團友行完山後過嚟浸過藥草温泉先回去
之後坐5:30PM的巴士回到近江長岡駅
先坐6PM的JR回米原取回行李, 然後再坐JR到大垣, 電車後邊的就是伊吹山

是日使費
巴士 彦根 > 米原駅 190円
locker 300円
水 220円
JR 米原 > 近江長岡 240円
巴士 近江長岡 > 登山口 360円
入山費 300円
伊吹山登山紀念章 400円
牛奶 100 x 2 = 200円
巴士 登山口 > 伊吹藥草温泉 250円
温泉 600円
巴士 伊吹藥草温泉 > 近江長岡 240円
JR 近江長岡 > 米原 > 大垣 240 + 670 = 910円

注意事項
近江長岡駅不能用IC卡(2017年), 最好先買好車票, 該駅也沒有coin locker
乘坐JR, 可從近江長岡駅/長浜駅轉乘巴士到登山口, 又以近江長岡駅最近 (湖国巴士)
三之宮神社的伊吹山登山口旁有民宿及私營停車場, 見到民宿外也設有coin locker, 但不知能不能用
5月時登山的纜車/吊橋索道還未營業
夏季暑假時有巴士直達伊吹山山頂停車場
登山除了初段為林間山道外, 由1合目到山頂都沒有樹蔭, 請做好防曬準備

2017年5月27日 星期六

比叡山, 彦根城

一日去兩處地方
上午先去比叡山行山, 然後下午去彦根城

比叡山
848M
上100M, 落800M
路線: 叡山纜車 山頂駅 > 比叡山 > 山頂駅 > 雲母坂登山道 > 雲母坂登山口 > 音羽川 > 叡山電車 修學院駅
時間: 2小時
難度: 超低

一早從大阪出發, 坐地鐵到淀屋橋轉乘京阪電車一路坐到終點出町柳, 係coin locker寄存大背囊後再轉乘叡山電車到八瀨比叡山口
 早上9:40係叡山電車八瀨駅出站
 行過橋就到叡山纜車的八瀨駅, 到秋天呢度就係賞楓勝地
 叡山纜車八瀨駅
 因為懶, 所以坐纜車上山, 10點未到就嚟到山頂駅, 之後可以轉坐叡山索道上山頂
 話嚟行山, 冇理由全程都坐纜車吊車登頂, 最後上山一段就行上山
 沿著車道慢慢行, 中途會見到登山索道吊車係頭頂經過
 行咗15分鐘, 話咁快就嚟到比叡山山頂停車場巴士站, 這裡仲有個植物園Garden Museum Hiei 可以參觀賞吓花咁
 沿著這條水泥路一直行就係比叡山山頂
10:20AM, 在林木中間嘅比叡山山頂848M, 旁邊仲有個供水石屎水缸
 真山頂冇嘢睇, 就行返出剛才的山頂停車場, 向東可以看到琵琶湖, 向西就係大原三千院嘅山區
 10:45AM, 在山頂待了一會就下山, 之後一路到山腳都係在林間步道行進, 在樹蔭下唔怕太陽曬
 經過山頂纜車駅廣場後, 沿著雲母坂登山道下山
 11:07AM, 京都一周遊步道的標識柱
 11:15AM, 千種忠顯碑
 11:30AM, 中途休息點遇到一班來郊遊遠足的高中生, 當一大班同學在為某同學唱生日歌慶生時, 有一個女生就離群獨處坐在一邊睇風景, 十分有性格, 山下是京都市區
 雲母坂登山道, 經過上千年不斷的登山客往返, 山徑都被行出V形山溝, 是日是周六, 沿途遇上一批又一批登山的日本行山團
下山中途見到京都市區
 12:22PM, 行咗約2小時便來到山腳雲母坂登山口
之後沿著羽音川走回京都市區, 叡山電車修學院駅
 12:34 中途經過鷺森神社, 十二生肖繪馬, 到了秋天也是賞紅葉的好地方
跟著在修學院駅附近一家中華料理店食拉麵餃子定食當午餐, 結帳時店員小妹用日語問我係咪學生, 搞到我呆咗一呆唔識俾反應, 原來這裡鄰近大學區, 大學生食飯有特價, 乜阿叔我仲似係大學生咩?


下半場, 国寶彦根城
坐地鐵到山科轉乘JR琵琶湖快速到彦根
 3PM 來到JR彦根駅, 本想去近江鐵道資料館參觀, 點知今日冇開門
JR彦根駅, 又要幫襯coin locker放行李, 之後行路去彦根城
彦根城外四周被一條廣闊的護城河包圍, 護城河兩岸種滿了櫻花樹, 春天是賞櫻打卡的熱點, 不過而家係初夏, 可以skip咗條護河直接跳到主題
護城河內是佔地甚廣的彦根城公園, 沿著梯級走進內城
進入內城城門前先要過橋, 不過無須抽板
彦根城天守閣+吉祥物彦根貓, 彦根城天守閣是日本12座殘存天守之一
在天守閣望向琵琶湖
天守閣內的樓梯, 小朋友話爬上爬落好好玩, 著裙的女生就要著意吓下方
天守閣下的石垣
在彦根城一角遠望, 可見遠方的伊吹山

之後坐JR去長浜, 去咗長浜太閤温泉的國民宿豊公莊浸温泉, 食埋雞白湯拉麵先再返彦根市一家古民家旅舍投宿

是日使費
叡山纜車 540円
JR 山科 > 彦根 970円
JR 彦根 <> 長浜 240 x 2 = 480円
彦根城門票 1000円 (特別展)
長浜温泉 600円
coin locker 300 x 2 = 600円
KTP周遊券使用:
大阪地鐵, 京阪電車, 叡山電車