開聞岳
百名山
高924M
來回8KM, 上下落差800M左右
全程需時 5小時 (連山頂休息+公園睇櫻花)
春季登山
難度: 低
2018年3月去鹿児島, 本來諗住去霧島行韓国岳, 點知適逢遇上新燃岳大噴發, 咁就降呢去指宿行開聞岳.
由鹿児島市去開聞岳, 可以坐清晨出發的電車到開聞駅, 車程要一個多小時, 阿叔怕辛苦又唔想咁早起身, 就直頭住係指宿, 朝早坐巴士由湯之浜去開聞中學下車, 沿著車路經過開聞岳下的公園同櫻花樹林來到開聞岳登山口
9點左右跟住兩個full gear行山裝嘅日本阿姨係開聞中學落巴士, 行幾步就見到路牌指你去開聞岳登山道, 其實老遠就見到座山, 就得嗰一條車路, 點會搵唔到呢?
又行咗陣, 前面公園有一大片櫻花樹, 正值花期, 不過今日天陰, 美中不足
車路兩旁都種了櫻花樹, 形成一條櫻花隧道, 柏油路面邊上滿佈片片雪白的櫻花花瓣
難得今年櫻花花期稍為提早, 咁就要入去公園睇吓櫻花, 順便去廁所交水費先登山
9:20便來到公園後邊的登山口, 這裡已是二合目, 距離山頂仲有3.5KM
話咁快就去到五合目山腰, 剛好在林間山道有一開揚處可以望到指宿同長崎鼻
10AM, 5合目的展望台, 仲有2KM就到山頂
就到山頂時要好似玩馬里奧咁跨過一列大石, 又要爬梯
11:20AM到達開聞岳山頂, 山頂上可以360度迴覽指宿, 唐船峽, 池田湖同太平洋, 只是天色不徍灰蒙蒙一片
係山頂休息一會就沿來路落山, 豪無難度, 中途遇一個來自挪威的靚仔中學老師帶住幾個日本中學生嚟行山, 如果當年阿叔讀中學時有來自北歐的靚女Miss教英文兼帶隊課外活動, 而家D英文一定喇喇聲.
差不多2PM就落山回到櫻花公園, 本來諗住行去食手打烏東, 但又怕已過午市冇得食, 又繼續行番出公路, 點知就遲咗幾分鐘剛好走咗班巴士, 於是就行去附近嘅開聞駅旁食碗拉麵當午餐
食完麵仲有時間, 就去開聞駅行吓, 開聞駅只得一個月台同站牌, 其他乜都冇.
車站旁的空地種了一大片櫻花樹
2:45PM行返出去公路邊等巴士返指宿
不過中途係指宿Healthy Land落車, 去玉手箱温泉浸吓先返歸
第二日去長崎鼻同西大山駅, 天氣一流陽光普照, 從長崎鼻回看開聞岳
是日使費
巴士周遊券 1100
玉手箱温泉 510
注意事頂
開聞駅JR列車班次疏落, 配合巴士前往更有彈性, 出發前查明電車及巴士時間, 預留充足時間登山及乘車離去
開聞岳登山道為山間林道, 好處是樹蔭下免受陽光照射冇咁熱, 壞處係只得展望台同山頂有風景睇
開聞岳登山上下落差約為800米, 山道雖無難度, 但請預留充足體力登山, 沿途並無廁所及售賣機.
