 |
| 宮崎 青島 |
一早從別府坐JR到大分, 因為JR南九州pass只能使用大分以南的路線, 所以要出一出閘機, 再用JR pass入閘, 坐特急指定席去宮崎, 在大分駅等火車時, 見到超市開門就順便入去買個牛肉便當等一陣係上火車上食, 入閘前又發現一家迷你牛角包店好吸引, 呢間迷你牛角包店係JR博多總店長期大排長龍, 難得見冇人排隊又手多多買咗幾隻人氣牛角包上車食.
 |
| 早上走去JR別府駅中途, 經過洋館風格的駅前高等温泉, 聽聞還可以留宿 |
 |
| JR大分駅 |
 |
| 特急火車上食和牛便當, JR pass可以劃位坐指定席, 跟著3天日日都坐JR, 值回票價 |
 |
| 大分至宮崎火車中途窗外的太平洋風光 |
去到南宮崎再轉普通列車去青島, 咁咗又撞正下午嘅放學時間, 要同一班中學生一齊迫火車, 差些少就迫唔到上車, 要是錯過咗呢班車就要遲成2個鐘先到青島, 所以點都要迫上火車, 難得這班只有一卡嘅火車由車頭塞爆到車尾, 阿叔揹住個背囊同班中學生一齊迫火車, 感覺就好似返回以前中學放學時迫巴士返屋企咁, 深感歲月不饒人, 實在是感觸良多.
 |
| 宮崎日南海岸的青島Hostel, 有床位同温泉, 旁邊就是海灘同青島, 門口就是巴士站, 十分方便 |
雖然話係因為要避開梅雨季節嘅雨帶而改咗去九州東岸, 但係在6月尾烈日當空下, 晒住太陽係九州南部嘅鄉下由火車站行去海邊嘅旅店, 不用一會就行到周身大汗混身濕透, 這時又諗返起天陰陰清涼爽嘅好處, 行去到海邊嘅青島Hostel, 但係仲差D時間未夠鐘check in, 就先把背囊放係前台, 又晒住太陽行去附近一家7仔的自助售票機買宮崎巴士一日券, 然後又要行返去hostel門口坐巴士去鵜戸神社
 |
| 青島hostel門口就有巴士去宮崎市, 鵜戸神宮同日南市, 對面還有餐廳同超市 |
 |
| 趁巴士還未到, 先到海邊睇下, 沿著海邊步道走過橋便是青島, 藍天碧海, 陽光熾熱, 感到夏天來了 |
本來計劃今日只在青島海邊hea吓, 明早先去鵜戸神宮, 因為上午陽光先可以照亮藏係山洞裡面向太平洋嘅神宮本殿, 不過反正都已被太陽高溫熱到身水身汗, 就直接坐巴士日南海岸遊車河, 玩完先返青島hostel浸温泉
 |
| 日南海岸遊巴士車河 |
 |
| 沿途經過堀切峠, 可以看到海岸邊上的鬼之洗濯板 |
水清沙幼的海灘
坐巴士途經日南海岸的堀切峠, 一路上看著蔚藍的太平洋同鬼之洗濯板海岸地貌, 沿途還有很多主打伊勢龍蝦的海鮮食店, 來到鵜戸神宮巴士站落車, 仲要行一會石階及穿過一條隧道才可來到神宮入口, 如果是自駕就可以直接開車到神宮入口前的停車場省了一大段路
 |
| 從巴士站走到鵜戸神宮中途不時會見到快要被太陽晒乾的紫陽花球 |
 |
| 中途還要穿過一條隧道, 入內即時感到風涼水冷, 有如天然冷氣好讓遊人降降溫 |
 |
| 話咁快就來到神宮正門 |
之後再走下一段石階就來到海岸崖壁底下天然洞窟內的神宮本殿, 在神宮參拜後再買了一個御守, 又有樣學樣學日本遊客丟運玉到龜石去試吓運氣, 玩了一會就回到巴士站等車回去, 想不到等車的幾個大叔大姐全都是香港遊客, 也有幾對港人遊客在巴士站停車場開車離去, 反而日本遊客只有小貓三兩, 不少旅遊景點的香港人比日本人還要多, 也許是本地遊客大都是在早上有日照時才來參拜的吧!
 |
| 石階下邊的天然山洞內就是神宮本殿所在 |
 |
| 蔚藍的太平洋 |
 |
| 遊客在向龜石丟運玉, 據說以前是丟錢幣的, 現在改為向神宮買運玉, 既環保又可創收, 一舉兩得 |
 |
| 神宮本殿望向太平洋, 聽說日出時份可從鳥居看到太陽在海平線升起 |
 |
| 神宮本殿 |
 |
| 石階旁的神宮本殿 |
 |
| 鵜戸神宮 |
 |
| 巴士站停車場旁荒廢的商店兼民宅, 幾年的疫情封關, 以及鄉下人口老化, 使得不少依賴外地遊客的地方小商戶停業 |
 |
| 宮崎交通 鵜戸神宮, 大部份日本遊客都是開車過來, 坐巴士的反而多是香港遊客 |
回到青島, 趁著還未日落就走去青島神社逛逛, 剛好潮退時可以近距離看看日南海岸的鬼之洗濯板, 臨近黃昏青島神社已沒有遊客, 便趕在社務所休息前買了個御守, 然後回到青島駅前一家漁師料理吃了很好食嘅天婦羅剌身定食, 食飽飽後又到旅店對面一家小超市買了些甜品回去, 好在浸過温泉後當宵夜.
 |
| 坐巴士回到青島hostel下車, 沿著海岸步道走到海灘公園 |
 |
| 過了橋便是青島, 臨近黃昏已沒有遊客, 十分冷清 |
 |
| 正好遇上退潮, 可以近距離睇到鬼之洗濯板的奇特地形 |
 |
| 青島神社的鳥居, 還可見到有些遊客趁潮退跑到鬼之洗濯板上打卡 |
 |
| 從青島回望宮崎空港方向 |
 |
| 青島長長的海灘 |
 |
| 青島海灘公園, 因為還未到正式的游泳季節, 所以還沒有人來游水, 等到7月夏天放暑假就會十分熱鬧 |
 |
| 青島神社參道上的店舖一早就落閘收工 |
 |
| 晚上在就近一家漁師料理食咗餐超好食天婦羅剌身定食, 價格比hostel旁邊的遊客餐廳親民得多 |
註:
宮崎交通巴士一日券2000円
青島hostel 温泉650円, 住客第二天早上還可以免費浸多次朝風呂
