褔岡貓島

 好耐冇去九州, 今次6月底去九州玩一個星期, 褔岡入, 鹿兒島走, 本來諗住去長崎雲仙温泉, 熊本同行阿蘇山, 一早book好晒酒店, 點知臨出發前一周睇天氣預報, 九州大部分地區連續十幾日都係落雨, 梅雨季節嘅雨雲真係好飄忽, 好難捉摸, 見到東九洲沿岸仲有太陽, 就改去別府同宮崎, 最後去霧島一泊二食浸温泉

嚟到福岡最主要係去貓島相島, 一早從博多駅坐JR再轉巴士去到新宮町相島渡輪場坐9點20出發的渡輪, 在巴士上便見到一艘渡輪正在上客, 一落巴士便已有大班遊客在碼頭售票廳內排隊買票, 排隊時有位職員在數人數, 剛好數到我後面幾個人便客滿截龍, 同一班巴士還有十幾名乘客上不了船, 要等下一班兩小時後11點半的渡輪, 原來周未有大班本地遊客開車過來, 所以坐巴士稍遲到達的遊客唔好彩送船尾, 便只有望船興嘆

不到20分鐘的航程便來到相島, 下船後先買回程船票, 再到旁邊的相島食堂等位食飯, 食飽先去逗貓, 貓貓主要都在魚港碼頭一帶, 玩到下午1點便坐船回褔岡, 再坐高速巴士去別府, hea下hea下咁又一日, 唔錯

相島渡輪

朝鮮通信使到此一遊

相島食堂, 剌身定食好好味

周圍都係貓, 相島唔畀遊客帶嘢食上島餵貓, 所以D貓唔多理人, 掛住瞓覺

士多門口嘅貓店長

民居一各嘅貓地藏

也有遊客上島是來釣魚, 對岸就是九州褔岡市

D貓唔怕人, 有D心情好就畀你任摸

自得其樂嘅貓

晒太陽繼續瞓

下午1點多便坐船回褔岡, 再見相島

博多駅前嘅衹園山笠展示

博多駅外邊遇上共享單車

晚上來別府, 在駅前的橫町食了一餐好好食嘅寿司, 因為當晚好旺場, 師傅做唔停手, 等了大半個鐘先得閒整畀我食, 就免費送了一客鐵火卷畀我賠禮, 飽到上心口