2018年11月25日 星期日

富士五湖, 石割山縱走

石割山縱走

石割山1412M - 平尾山 1318M - 太平山 1295M - 山中湖

山利縣 河口湖
東海自然歩道
深秋行山
全程連休息: 4小時
難度: 低

一早8:30AM從東京站前八重洲南口坐高速巴士出發, 10:30AM抵達河口湖, 比預定時稍早10分鐘, 剛好有時間俾我去河口湖駅前的旅店寄存行李, 可以趕上10:45AM出發到山中湖的巴士, 不用多等45分鐘一下班車, 本來想去買山中湖的巴士周遊券, 不過河口湖駅人山人海擠滿排隊買周遊券及等上巴士的遊客, 還是用IC卡俾車錢算了.

今日是一年一度的富士山湖區馬拉松大賽, 河口湖到西湖一帶都封路作為賽道, 所以今日就去東南邊的山中湖石割山行山.

巴士途經忍野八海時有大班台灣及泰國遊客下車, 光是落車俾錢都擾讓了好一會, 巴士去到山中湖時差不多都沒有幾個乘客, 沿湖駛過時見到不少外國遊客在湖邊散步或踩單車, 大約11:55來到石割神社前下車.

 石割神社入口
 沿著車道行了一會就來到神社參道的鳥居
 403級
 一路直上
 唔駛半小時就來到石割神社12:40PM
 嗱!真係石割㗎!
 再行多一陣山路就到是日最高點-石割山1412M 1:00PM
 石割山縱走就係為咗嚟個富士山風㬌
 嘩!好大座富山士呀!
 係山頂小休一會, 吃了點餅干及士力架就出發, 沿途都有路標, 唔會迷路
 秋高氣爽, 沿著山脊面向富士山縱走, 一路上都是芒草
 平尾山 1318M 1:50PM
 從平尾山望向富士山及山中湖
  從平尾山望向富士山及山中湖, 山坡上建有不少避暑別墅

 太平山 1295M 2:30PM, 港島的太平山邊有咁高
 此處已通車路, 山項有一休息亭,有幾個日本人家庭一家大細來到山頂遊玩睇富士山
 大人忙著同富士山打卡, 小朋友就理得你自得其樂
 從太平山回望石割山及平尾山
 係時候落山, 雖然近路係返山中湖, 但係呢個時候山中湖有巴士返回河口湖, 故要取遠道行落花之都公園 2:50PM
 往花之都公園的林間步道, 舖好了木級, 不過相中所見生滿清苔, 係有點兒濕滑啫.
 約半小時就落到山腳的車道出口, 仲要經過一片農地先回到公路, 這時已快日落 3:30PM
 在行經農地的車路時, 遇到幾十個日本行山團友在影相, 原來呢度係影富士山日落的打卡位
 3:40PM就來到山中湖花之都公園, 借完廁所後發現回河口湖的巴士仲有排等, 於是就行咗約20分鐘去附近的紅富士之湯浸温泉
紅富士之湯坐山中湖周遊巴士回到河口湖約6PM, 這時已入黑, 山高寒冷, 就到駅前的不動茶屋食番個熱辣辣的餺飥, 巧遇一班今日跑完馬拉松的香港人... 基本上店裡全都是馬拉松跑手.

嗰幾個香港哥仔以為我今日都係嚟跑馬拉松, 我話係一條友嚟行山, 佢哋問乜有得行山? 一條友嚟行山你唔怕蕩失路? 好勁喎! 我話你地今日跑完個全馬咪仲犀利!


是日開支:
高速巴士 東京-河口湖 1800
巴士 河口湖-石割神社 950
巴士 紅富士之湯-河口湖 610
紅富士之湯 800
不動茶屋晚餐 1880