2017年3月27日 星期一

武雄温泉 黑髮山 御船山楽園

武雄温泉 黑髮山 御船山楽園
 九州佐賀縣

九州自然歩道 黑髮山段

 2017年3月底去九州, 本來諗住近幾年日本春天回暖都係有早冇遲, 去日本列島最南端嘅九州可以有櫻花睇, 就連臨出發前一周櫻花前線預報都話3月底九州會開花, 點知去到福岡落機天氣又轉冷, 櫻花要遲多一個星期先開花, 咁到開花時我都要坐飛機返歸...

Anyway,去日本唔係淨係睇櫻花, 行山郊遊, 浸温泉, 食好西飲清酒先係主角


一早由褔岡坐特急到武雄温泉, 一落火車就開始落雨... 好在全身上下風褸長褲同鞋都係防水, 就冒雨行路去武雄神社
 武雄温泉駅
 武雄温泉係一個好細的小鎮,幾步路就嚟到武雄神社, 想當然櫻花係未開的, 神社外邊有個超大停車場,主要係畀嚟武雄神社同御船山楽園嘅日本旅遊團嘅旅遊巴, 仲有自駕遊泊車
 武雄神社繪馬
 武雄温泉鷺乃湯(唔好讀錯, 唔好心邪) 跟住就行返去武雄温泉街搵地方食午飯, 呢個時候先至出太陽
 武雄温泉嘅仿唐門樓... 禮失求諸野, 影張相先, 遲D行完山先嚟浸温泉
 因為餐廳仲未開就周圍行吓, 武雄温泉在江戶時代為褔岡至長崎街道二十七宿之一
 因為是閒日, 等到中午温泉街嘅餐廳都仲未開門, 就行返去火車站食午餐, 跟住就坐火車到幾個站外嘅三間坂, 再轉巴士去行山, 點知一出火車站又開始落雨...
 坐一日只有幾班嘅巴士去到山間某鄉下巴士站落車(12:30PM), 想當然雨就越落越大, 巴士站旁的村莊後邊就是九州自然歩道, 可以一路行去黑髮山, 行到入村在一家農家的倉庫屋簷下避雨, 等了一會雨勢轉弱先再起行
 雨過天清, 太陽出來了, 黑髮山鄉下
 九州自然歩道的路牌
 行吓行吓開始上山, 中途經過魔王之岩窟
 跟住經過黑髮山自然之家,這時又開始落雨,順便去自然之家借廁所, 交完水費出嚟遇到幾個在自然之家林間教學嘅日本小朋友, 小朋友見到有個三唔識七嘅大叔係廁所出嚟, 眼定定咁望實我, 唔係以為我係小偷呀?
 沿著車道繼續行上山, 竟然遇到一棵早開的櫻花樹
 九州自然歩道佐賀黑髮山一段的地圖
 沿著車道來到乳待坊公園的展望台(1:40PM), 從落巴士開始到展望台大約用咗一個小時多點
 位於半山的展望台可以俯覽下方的鄉下田野
 展望台望向黑髮山, 因為又開始落大雨, 就費事行泥路上山頂了
 本來展望台下邊種了一大片櫻花樹, 不過早來了一個星期,櫻花樹含苞待放,好興奮好期待呀!
不過仲未有得睇住
 沿著車道落山,途經黑髮山自然之家的正門,剛才走後門借廁所係我唔啱
 仲有成2.5KM先到巴士站...
 一落到平地又出太陽
 黑髮山
 途經鄉下秘湯 - 黑髮之森温泉, 冇理由唔入去浸一浸 (2:30PM)
 一路行咗2公里多點,終於嚟到巴士站旁的黑髮神社, 這裡才是黑髮山參道的入口, 阿叔又係調轉方向嚟行
 黑髮神社包你合格嘅繪馬,咁有冇包頭髮變黑嘅繪馬? 有嘅話曾江個N年染髮廣告咪唔駛播囉:)
 西肥巴士宮野站, 來到唔夠一會巴士就到了(3:27PM), 如果錯過咗就要再行幾公里返火車站
 又係剛才去程嗰位巴士司機阿伯, 成車就得兩個客, 點圍皮?
 又返到三間坂駅,悠D, 鄉下地方唔駛急
 坐電車返去武雄温泉, 再轉JR巴士去御船山楽園
 御船山楽園, 入口已掛起夜間特別觀覽的招牌, 本來是為夜間賞櫻而設,點知花期又𥤮然發神經推遲,搞到唔拖唔水, 眾人都等花開先來, 所以園內遊人稀少
 再遲一個星期就會見到池邊的櫻花倒影
 御船山楽園的招牌打卡位
 之後返到武雄温泉駅, 在附近一家鐵板燒食大阪燒食晚餐
 是日晚餐, 當然係大阪燒

 是日使費
 JR 北九州火車証
 巴士 三間坂 - 赤田 260円
黑髮温泉 400円
 巴士 宮野-三間坂 190円
 JR巴士 武雄温泉<>御船山楽園 170円 X 2 = 340円
 御船山楽園  400円
 武雄温泉 600円
 晚餐 鐵板燒 810円

 注意事頂
黑髮山巴士班次十分疏落, 請查明巴士時間及預留充份時間前往巴士站等車
當然有車牌可以係武雄温泉租車直接開上去乳待坊展望台停車場再行上山
 淡季武雄温泉街D餐廳中午冇開門, 在火車站食和牛便當仲好

沒有留言:

張貼留言