日光 戰場原

又係返鄉下, 今次仲要係堅鄉下, 一連3日去日光中襌寺湖, 又係行山, 浸温泉, 食好西

戰場原濕地望向男体山

 晨早坐6:30浅草出發嘅東武華嚴號特急, 8:30就到日光, 再坐巴士到中禪寺温泉, 先行去旁邊嘅華嚴瀑布打過卡, 再行返去中禪寺温泉旁book咗今明兩晚嘅温泉旅館寄存個背囊,  然後再坐前往湯元温泉嘅巴士, 到差不多尾站嘅湯滝入口落車

華嚴瀑布

 天氣預報話呢3日都係多雲間同中有陽光, 要知道山上天氣幻變無常, 便趁上午天色不錯先去行戰場原自然研究路, 起點係湯滝, 顧名思義即係湯之湖嘅瀑布, 亦係奧日光三大名瀑之一, 日本鄉下名勝景點旁邊自不然會有間茶屋做吓遊客生意, 咁就順便幫襯吓名物野菇味噌湯同烤飯糰充當午餐, 然後先開始郊遊

湯滝

名物-野菇味噌湯+烤飯糰

戰場原濕地自然研究路, 入閘, No dog

林間漫步, 吸收靈氣

 戰場原高原濕地座落於中禪寺湖北邊, 湯之湖南邊, 百名山男体山同日光白根山中間, 春夏時節會有不同品種嘅野花盛開, 森林同濕地同時也是觀鳥嘅勝地, 不過到咗秋未濕地只剩一片枯草, 藍天白雲下遠望男体山白根山群山, 秋高氣爽暖和嘅日光下在林間草原上散步也是十分寫意, 正好作為明天後天堅行山嘅熱身.

濕原上的枯草, 前面是男体山

濕地上的木棧道, 雖說是周未, 但遊人也不算多

北邊是日光白根山

枯樹倒下

大約半小時便走完戰場原濕地嘅木棧道來到赤沼, 再走約半小時嘅林間小徑便來到奧日光三大名瀑之一竜頭丿滝, 這裡已是一般向嘅旅遊景點,  想當然又有一間茶屋做遊客生意, 最佳觀景位置就在茶屋後面的露台, 就算不是客人也可以隨意入去觀賞瀑布, 不用額外收費, 仲有個竜頭丿滝牌畀遊客捧住打卡用, 十分貼心, 這時正好是遲來嘅入秋時份, 有幸遇拜見紅葉+銀龍嘅美景

戰場原自然研究路入口(英文完全係第二回事)

竜頭丿滝 (上遊)

竜頭丿滝(茶屋)

  一天制霸奧日光三大名瀑, 華嚴, 湯滝, 竜頭丿滝, 又坐巴士返到中禪寺温泉, 這時才剛過下午2點, 還未到旅館嘅check in時間, 就係旁邊一家食堂食個正式lunch, 再去對面馬路一家湖畔珈琲店對住中禪寺湖嘆返杯凍啡食返件cheese cake, 等夠鐘再去check in.

遲來嘅午飯 - 天婦羅soba

中禪寺湖畔下午茶

中禪寺湖, 其實出面好大風, 都係縮係cafe裡面好

晚餐 - 光速寿司

係旅館浸返個天然露天風呂温泉hea吓, 等到晚上5點多入黑, 又坐巴士返中禪寺温泉搵食, 順便去村裡唯一一家迷你超市買定兩個兵衛杯麵做之後兩日嘅早餐. 要知鄉下温泉小村過咗下午5點後, 9成9嘅餐廳商店都會隨住遊客離去而關門休息, 本來目標想去一間都有做晚市, 網上超高分數嘅寿司舖, 點知去到門口先見到告示晩市只有訂座, 唔食就要有行返去旅館門口附近再搵食, 咁唯有厚住面皮推門入內碰碰運氣, 大姐老闆娘問知我冇訂位, 不過見我得一條友, 這時時間尚早店內只有兩枱客人, 她便問我7點前交枱OK? 需然只有一個鐘唔夠, 咁我一條友喺香港食慣光速餐, 梗係OK啦!

是日使費:

東武浅草>日光 1400円+ klook $97特急

東武湯元温泉2日bus pass 3500円