那須山 茶臼岳 朝日岳

 9月未黃金周前請咗一個星期假, 當然又係返鄉下, 今次飛東京成田

那須岳三角點, 下面是那須塩原

出發前係JR官網買埋東京wide pass, 剛好是加價前生効, 以後再去日本用JR pass就要畀貴D, 9月底去東京有乜好做, 當然又係去行山, 仲要用盡張JR pass, 日日坐新幹線/特急

東京的第一頓晚餐係食拉麵

今次唔住新宿/淺草, 就住係上野駅旁邊一個hostel由頭住到尾, 因為早大半年就預訂, 所以又係超值超抵價, 仲要包埋早餐.

那須塩原坐巴士到那須岳纜車站

巴士上山中途經過展望台停車場

山頂纜車站回望山下

山頂駅

抵達東京第二天就由上野坐東北新幹線到那須塩原, 再坐一個鐘巴士到那須山纜車站, 再坐纜車到差不多1700M的山頂站, 即是那須岳登山道的九目合, 一出站便見大班full geal嘅日本行山友整裝待發, 也有一般著波鞋嘅普通遊客, 也有行山友帶埋柴犬到山上溜狗健行.

山頂站旁畀遊客打卡的日光國立公園那須岳招牌

健行+溜狗 

見到鳥居, 話咁快差不多到山頂, 日本行山友全部都full gear上陣, 十分認真

山頂神社的鳥居

茶臼岳1915M, 呢個位要排隊打卡, 仲要幫人揸相機打卡

那須岳神社, 當然又係一眾登山少女嘅打卡位

話咁快就行到上1900M嘅那須岳山頂, 那須岳正名係茶臼岳, 想當然嚟到山頂已經冇晒班波鞋友同狗仔, 在茶臼岳打吓卡, 食咗條士力架朱古力同麵包當午餐, 然後花了約一個鐘沿著火山口兜了一個圈後下山到峰之茶屋跡避難小屋, 見到這時還未到1點, 天氣還算不錯, 就決定再經剣が峰登上朝日岳

那須山連峰

從那須岳望向茶屋跡避難小屋及朝日岳

在火山口兜了個圈, 來到那須登山道及往纜車站的路口, 見到日本阿伯撐著登山杖full gear爬上來

下坡往茶屋跡避難小屋, 之後右轉下山, 直行則前往朝日岳

茶屋跡避難小屋, 不過今日小賣店沒有營業

攀登剣が峰途中, 對面就是剛才登上的那須山茶臼岳, 左側山坡可以見到纜車山頂站

攀上剣が峰後來到朝日之肩, 右邊是朝日岳, 左邊通往三本槍岳

朝日岳1896M

朝日岳下望那須塩原平原

朝日岳回望剣が峰及那須岳, 連峰縱走, 咁先似返行山

朝日岳的迷你石鳥居

較難行的山脊都裝了鐵鏈扶手, 無難度

基本上都不用扶住鐵鏈, 連登山杖都不用

朝日岳望回那須岳, 中間是剣が峰

遠處看剣が峰的山路雖然險要陡峭, 但最難的山脊一段已裝置了穩固的鐵鏈, 結果不用半個鐘便登上朝日岳, 這時山峰上開始多雲大風, 此地不而久留, 便趕快下山去, 來到避難小屋遇上一大班日本行山團, 看來似是剛從那須岳下來, 不知跟著是要沿登山道下山, 還是繼續到朝日岳去?

沿登山道下山中途, 左邊就是剛才登上的朝日岳

話咁快就落到那須岳登山口, 咁快就行完? 對上一次行山登岳是19年去霧島的韓国岳了

之後冒著大風沿著登山道下山, 間中迎來幾陣微雨, 但全程無難度, 還未到3點便來到那須岳登山口, 還夠時間到那須登山纜車站借個廁所洗過面, 然後坐巴士到山腰的那須温泉, 去鹿之湯浸超熱温泉

那須温泉 鹿之湯, 非常原始但好有特色嘅温泉, 泉水超熱, 嚟到一定要浸吓

那須温泉 元湯 鹿之湯

浸完温泉坐巴士回到那須塩原駅, 在駅前一間食事処食咗個天婦羅定食, 再坐新幹線回上野, 不知是否今日行山消耗了不少熱量, 晚上無聊肚餓又走到上野駅食咗碗沾麵, 飽到上心口

好好食嘅天婦羅定食, 日本鄉下地方小店嘅食物都好有水準, 隨時好食過大城市嘅名店

晚上10點幾又去食碗沾麵做宵夜, 飽到上心口

註:那須登山纜車 單程 1200円
巴士 那須塩原>纜車站單程 1600円 
鹿之湯温泉+coin locker 600円
那須纜車山腳站有洗水間, 小賣店有登山紀念章出售