2016年10月1日 星期六

新湊曳山祭

新湊曳山祭


今天從高山坐高山本線經富山轉車到高岡, 下午來到高岡先坐萬葉線路面電車再行路到高岡市美術館睇藤子.F.不二雄展, 即係叮噹漫畫原作者之一位於家鄉的美術館參觀, 兩年前去高岡睇御車山祭及褔野夜高祭時曾經乘坐過JR城端線的忍者小靈精電車, 今次係高岡就有機會乘搭叮噹路面電車

睇完藤子.F.不二雄展館, 再去睇新湊曳山祭, 新湊的曳山跟日本其他地方的曳山有些不同, 白天是普通的花山巡遊, 到晚上就會變身裝上燈籠在小鎮上巡遊, 全鎮十三町各有一台曳山, 町民總動員拉曳山由朝玩到晚, 十分有特色.

 早上來到重建後的JR高山駅, 剛好遇上開幕式
 中途要在豬谷轉車
 豬谷至富山的柴油動力火車, 偏遠深山中的鄉下鐵路, 一日只有幾班普通列車, 又或係畀貴近一倍價錢坐名古屋經高山至富山的飛騨特急
 中午來到JR富山, 偶遇吉祥物
 在JR富山食午餐, 立山天婦羅蕎麥麵
 來到JR高岡坐萬葉線去高岡市立美術館, 又咁好彩遇上叮噹電車
 叮噹陪你一齊搭電車
 叮噹電車, 落車後要行約十多二十分鐘先到達高岡市美術館
 高岡市美術館, 藤子.F.不二雄展, 高岡市美術館就在高岡城跡公園旁, 睇完展覽後經過公園走到今日投宿的旅店, 入住時掌櫃的老伯竟然認得我兩年前曾住過數天, 真係好記性, 又或可能係高岡少外國遊客留宿, 一般到北陸的外國遊客不是住金沢就是直去富山, 而會住係高岡嘅香港人就更加之少, 所以先容易記得吧? 在房間放下行李就再去坐萬葉線電車, 大約半小時就來到新湊廳舍下車
 從電車站落車走一會便是射水市新湊廳舍, 電車大半的乘客都在此下車, 不少一家大細興致勃勃的都是來睇祭典
 一轉出大馬路便見萬人空巷, 圍觀曳山列隊前進
 白天是花山巡遊, 一眾花山來到廳舍前受閱祈褔
 
 每台曳山都各有主題, 荒屋町的是千枚分銅(金), 仲唔發大財?
 在廳舍前受閱後, 白天的花山巡遊告一段落, 所有花山來到廳舍後邊的停車場列陣變裝, 換上燈籠準備晚間的提登山巡遊, 變身前
 變身中
 變身後, 花山變身成提燈山, 出發前試吓燈先 (唔駛試咪)
黃昏時曳山變身期間, 不少拉曳山的町民又或是來觀光襯熱鬧的遊客都暫時離開去吃晚飯, 但隨著夜幕降臨, 人潮又重新聚集, 廣場上燈火通明, 越夜越多人... 好耐冇係日本鄉下夜晚見到咁多人了
 到各曳山準備就緒後, 主持人宣佈晚間的提燈山巡遊開始, 這時廣場上的照明燈光全都熄滅, 然後在漆黑中各曳山輪流亮燈, 最後一共十三台提燈山一字排開全部亮燈, 將現場氣氛推上頂點
 之後工作人員在人群中推開了一條通道, 讓廣場上的曳山輪流出發到鎮上巡遊, 不少遊客和町民都追隨著曳山一同走到小街裡, 把小街擠得水洩不通
 出發了, 曳山的大木輪沒有轉向裝置, 要靠人力推拉來轉彎
 
 長德寺的曳山
 南立町的曳山
 在小鎮小街上列隊巡遊的曳山, 塞緊車...
 東町的曳山
曳山上層四邊掛著燈籠, 由町長提著燈籠帶領在小街中前進, 後方負責拉車及推車的壯丁在前進時就要不時注意上方, 不要讓頂端的燈籠碰到路上的街橙及空中的電線
 荒屋町
 紺屋町
中町
百花繚乱, 光輝燦然, 曳山祭的宣傳海報

曳山祭由早上9點玩到晚上10點半才完結, 阿叔冇咁好力氣跟足全程, 玩到晚上8點半就坐電車回高岡, 明天一早還要早起到立山行山, 要早點回去瞓覺補充體力.

注意事項:
高岡市美術館有Locker可以在參觀時存放行李, 請留意定休日
新湊祭可以在網上找到每年的巡遊日期及路線圖
新湊鎮廳舍附近只有兩三家餐廳及珈琲店, 仲有一家超市, 祭典當日超多外來遊客把各餐廳都迫爆, 晚上搵食是一個難題, 阿叔好彩係新湊廳舍前電車站旁搵到一家珈琲店, 趕在晚上6點關門前食到個定食當晚餐, 仲可以嘆返杯珈琲
咁在小鎮巡遊路線上都會有些祭典小食攤位, 都可以邊睇巡遊邊掃街食嘢醫肚.

沒有留言:

張貼留言